Share Twitter
Share Facebook
Share Linkedin

Published on std.stheadline.com.hk | 28/01/2022 | Direct Link

Staycation 聽得到,原來仲有Daycation(日間住宿),讓大家可以喺白天時段彈性入住酒店客房兼享用酒店設施,最啱喺同另一半或者好友Book酒店房相聚。

疫情持續不斷,社交距離措施又再度延長,難以與另一半和好友,找一個地方好好相聚。最近發現一個Daycation酒店預訂平台Dayuse,提供日間住宿體驗,讓住客於早上6時至晚上11時之間自由選擇入住時間,並提供一站式服務。如果正為情人節搵地方與另一半共聚的話,可以考慮與另一半一齊試試Daycation嘅樂趣。

Dayuse提供嘅酒店住宿選擇多元化,除咗有國際知名的酒店品牌外,仲雲集特色精品酒店,選擇及配套多元化。以想與另一半一齊試試Book Daycation過情人節為例,就有唔少選項!

情人節點少得與另一半來一頓簡約嘅燭光晚餐,但今年情人節晚市禁堂食口喺餐廳撐枱腳,可透過Dayuse在香港朗廷酒店訂房的同時,預訂埋客房用餐服務,兩口子即使在下午6時後,仍可在只有二人的空間享用美酒佳餚,細嘗浪漫美點。又或者可以Book Hotel ICON唯港薈,然後一同品嘗GODIVA甜蜜獻禮下午茶,為舌尖帶來細緻優雅嘅甜蜜滋味。

想要貴賓級嘅奢華享受,就可以試試香港海景嘉福洲際酒店嘅行政酒廊,Dayuse與香港海景嘉福洲際酒店聯乘情人節特別套票,讓住客於中午12時至晚上6時入住高層洲際行政俱樂部豪華客房,更包括港幣$300迷你吧消費額,尊享洲際俱樂部嘅尊貴禮遇,近距離欣賞維多利亞港與天際綫嘅景色,既可以安坐室內享用精緻下午茶點,更可走出戶外平台,感受風光。隨着夕陽西下,與另一半於客房一邊浪漫共賞落日餘暉,一邊淺嘗雞尾酒醉人美意,留下難忘回憶。

浸浴兼打卡係唔少人入住酒店嘅指定動作。香港康得思酒店嘅Daycation體驗相信就可以滿足愛浸浴嘅一群。酒店每間客房均設雲石浴缸,可沉浸於溫暖嘅泡泡浴之中,一邊被香氣滿溢嘅泡泡包圍,一邊品嘗香檳的微醺氣泡,實行邊減壓邊洗滌身心靈。客房內更有特大落地玻璃窗可眺望璀燦城市景觀,最啱就係打卡,以影像記下別具意義的一天。

作者:Laurie Wu(愛保健愛旅遊愛購物的熟女)
lohaslaurie@gmail.com